विराटनगर ,१९फागुन । प्रथम वडा स्तरीय नकाउट फुटबल प्रतियोगिता आजदेखि सुरु भएको छ ।
विराटनगर महागनरपालिका वडा नं. १५ को आयोजना र मिल्स भेट्रान क्लबको संयोजनमा शनिबारदेखि वडा स्तरीय फुटबल प्रतियोगिता सुरु भएको हो ।
विराटनगर जुटमिलको खेलमैदानमा सुरु भएको उद्घाटन खेलमा आयोजक विराटनगर १५ ले विराटनगर १० नम्बर वडालाई टाइब्रेकरमा ५–३ गोलले हराउँदै आयोजक सेमिफाइनलमा पुगेको छ । निर्धारित समयसम्म १–१ गोलको बराबरी भएपछि जितको छिनोफानो टाइब्रेकरबाट भएको हो ।
आइतबारको खेल विराटनगर ११ र विराटनगर २ नम्बर वडाबीच प्रतिस्पर्धा हुनेछ ।
फागुन २६ गतेसम्म हुने प्रतियोगितामा आठ वटा टिमको सहभागि रहेको छ ।
प्रतियोगितामा बिजेताले रु ३१ हजार र उपबिजेताले नगद रु २१ हजारका साथै ट्रफी प्राप्त गर्ने मिल्स भेट्रानको अध्यक्ष इन्द्रराज थापाले जानकारी दिए ।
प्रत्येक खेलको म्यान अफ द म्याच हुने खेलाडीले नगद रु एक हजार एक सय प्राप्त गर्नेछन् ।