विराटनगर,२१ फागुन । मोरङ जिल्लामा कार्यरत सशस्त्र प्रहरीका नायव प्रहरी उपरीक्षक उपेन्द्र बस्याल आज दिउँँसो झुण्डिएको अवस्थामा मृत फेला परेका छन् ।
जिल्ला प्रहरी कार्यालय मोरङका प्रवक्ता एवं प्रहरी नायव उपरीक्षक रन्जनकुमार दाहालका अनुसार मोरङको धनपाल थान गाउँपालिका–३ सीमा आउट पोष्ट( वीओपी) सोराभागका प्रमुख समेत रहेका अन्दाजी ४२ वर्षिय बस्याल कार्यालय निवासको भान्सा कोठाको स्टोरमा झण्डिएको अवस्थामा मृत फेला परेका छन् ।
नायव उपरीक्षक बस्याल विगत छ महिनादेखि उक्त कार्यालयमा प्रमुुखको रुपमा कार्यरत रहेको प्रवक्ता दाहालले जानकारी दिनु भयो ।
यस सम्बन्धमा आवश्यक अनुसन्धान भैरहेको प्रहरीले जनाएको छ।–––