विराटनगर,२ चैत ।  दलित महिलाहरुको  आर्थिक समृद्धि र सामाजिक छुवाछुत नियन्त्रण गर्न  प्रदेश , पालिका र वडाहरुले आगामि वर्षको नीति तथा कार्यक्रमा सम्बोधन गर्नुपर्ने सहभागीहरुले सुझाव दिनु भएको छ ।

उहाँहरुले दलीतको आवाजलाई सम्वोधन गरी , उनीहरुको हक अधिकारी , अर्थपूर्ण अधिकारको सुनिश्चिता र आय आर्जन अभियान सञ्चालन गर्न  प्रदेश र पालिकाले जोड दिनु पर्ने बताउनु भयो ।

दलित महिला संघ मोरङद्वारा आज यहाँ आयोजित  आगामी आर्थिक वर्ष २०८१÷८२ को नीति कार्यक्रम तथा बजेटमा दलित महिलाको सवाललाई सम्वोधन गर्नका लागि मिडियाकर्मीहरुको भूमिका विषयक अन्तरक्रियामा सहभागीहरुले पछाडि परेका दलितलाई प्रदेश र पालिकाको वजेटले छुन नसकेको गुनासो व्यक्त्त गरेका छन् ।

उहाँहरुले  विराटनगरमा आजदेखि सञ्चालन भएको  रोजगार मेलामा दलित समुदायका युवायुवतीहरुलाई पालिकाले स्वयंसेवकमा नराखेको जानकारी समेत दिएका छन् ।

संघको प्रदेश अध्यक्ष पाण्डु परियारले  सरकारको दिगो विकास लक्ष्य प्राप्त गर्न दलित महिलालाई  शिक्षा, रोजगारमा  तथा आयआर्जनमा समावेश गर्नु पर्नेमा जोड दिनु भयो ।

संघकी मोरङ अध्यक्ष शर्मिला परियार, जिल्ला कार्यक्रम संयोजक नरबहादुर आउजी र नेपाल पत्रकार महासंघ मोरङकी कार्यवाहक अध्यक्ष तारा आचार्यले  दलित महिलाहरुलाई सम्मानित, विश्वाशिलो  तथा सहाशिक  पेशाहरु चालक, सूचना प्रविधि र होटल जस्तामा आवश्यक सहयोग एवं तालीम दिनु पर्ने सुझाव दिनु भयो ।–––