विराटनगर,२ वैशाख । नेपालमै पहिलो पटक बास्केटबल खेलको विकास एवं युवा एवं युवतीहरुलाई यसप्रति आकर्षण गर्न वार्षिक कार्यक्रम आज यहाँ सार्वजनिक गरिएको छ ।
विराटनगर बास्केटबल एकेडेमीले आज यहाँ सार्वजनिक गरेको वार्षिक कार्यक्रमहरुमा वैशाख र जेठ महिनामा एसइई लक्षित विद्यार्थीहरुवीचको ट्यालेण्ट हण्ट प्रतियोगिता हुने छ ।
यस्तै जेठ महिनामा अण्डर– १६ पुरुष र महिलाको अन्तर प्रदेश बास्केटबल प्रतियोगिता ,साउन महिनामा विराटनगरको स्कुलहरुलाई लक्षित गरि निःशुल्क बास्केटबलको तालिम दिने एकेडेमीका अध्यक्ष सरोज लम्सालले जानकारी दिनु भयो ।
यस्तै भदौमा पाँचौँ पुरुष र महिलाको अन्तर स्कुल बास्केटबल लिग,असोजमा कर्पोरेट तीन÷तीन प्रतियोगिता,कात्तिकमा मेयर कप,मङ्सिरमा मिनी बीबीए फेस्ट २.०, पुसमा पुनः निःशुल्क बास्केटबलको तालिम दिने र फागुनमा अण्डर १८ राष्ट्रिय बास्केटबल प्रतियोगिता संचालन गर्ने एकेडेमीले खेल तालीका सार्वजनिक गरेको छ ।
बास्केटबल खेलको वार्षिक कार्यक्रम सफल बनाउन सबैले आफ्नो क्षेत्रबाट सहयोग गर्न एकेडेमीका अध्यक्ष लम्साल अनुरोध गर्नु भएको छ ।
यसलाई विकासका लागि आगामी दिनमा समेत निरन्तरता दिँदै जाने आयोजकले प्रतिवद्धता जनाएको छ ।–––