विराटनगर ,१ जेठ । तेस्रो संस्करणको मिल्स कप टि –२० क्रिकेट प्रतियोगिता अन्तर्गत आज भएको खेलमा भारत विहारस्थित पटनाको हाइ पर्फमेन्स क्रिकेट क्लब र कटिहार क्रिकेट क्लब विजयी भई अन्तिम आठमा पुगेको छ ।
विराटनगर जुटमिलको खेलमैदानमा मंगलबार भएको पहिलो खेलमा पटनाले विभागिय टिम नेपाल पुलिस क्बलाई १२ रनले र भारतको कटिहारले सिराहा क्रिकेट क्लबलाई आठ विकेटले पराजित गरी अन्तिम आठमा पुगेको हो ।
टस जितेर ब्याटिङ रोजेको पटनाले १५ दशमलव पाँच ओभरमा सबै विकेट गुगाउँदै १०३ रन बनाएको थियो भने नेपाल पुलिसले १७ दशमलव तीन ओभरमा सबै विकेट गुमाइ ९१ रन मात्रै बनाउन बनाएको थियो ।
खेलको प्लेर अफ द म्याच पटनाका सचिन सिंह घोषित भई नगद रु तीन हजार प्राप्त गरेका छन् ।
दोस्रो खेलमा कटिहारले सिराहा क्रिकेट क्लवलाई आठ विकेटले पराजित गरेको छ।
सिराहले दिएको १७८ रनको लक्ष्य कटिहारले १४ दशमलव तीन ओभरमा दुई विकेटको क्षति पुरा गरेको छ।
टस जितेर पहिलो ब्याटिङ थालेको सिराहले निर्धारित २० ओभरमा आठ विकेट गुमाई १६७ रन बनाएको थियो ।
बुधबार पहिलो खेल बिसीसीए विराटनगर र प्रशान्त क्रिकेट क्लब भारत अररिया जिल्लाको जोगवनीबिच हुनेछ भने दोस्रो खेल आयोजक मिल्स क्रिकेट क्लब र सुनसरी क्रिकेट क्लब बीच हुने छ।–––