विराटनगर ,३ साउन ः मिस कोशीका विजेताहरूलाई आज यहाँ सम्मान गरिएको छ।
कोशी प्रदेशका खानेपानी, सिंचाई तथा उर्जामन्त्री एकराज कार्कीले मिस कोशी शुभलक्ष्मी राई, प्रथम रनरअपमा निसा हाङ्गमा लिम्बु, दोश्रो रनरअपमा निगम मोक्तान तामाङ्ग, तेश्रो रनर अपमा कृति बस्नेत र चौथो रनर अप स्वस्तिका राई आज सम्मान गर्नु भयो ।
मन्त्री कार्कीले जय मिडिया इन्टरटेन्मेन्टद्वारा आयोजित उक्त्त कार्यक्रममा लुकेर रहेको प्रतिभालाई प्रष्फुटन गर्न यस प्रकारका कार्यक्रमले सहयोग पु¥याएको बताउनु भयो ।
उहाँले प्रतियोगिताका विजेतालाई आगामी दिनमा मुलुकको नाम विश्वमा राख्दै समाजमा पछाडि परेका समुदायको उत्थानमा कार्य गर्नुपर्नेमा जोड दिनु भयो ।
मिस कोशी राईले सुन्दर मुहारमात्र नभई आफूमा क्षमता भयो जुनसुकै स्पर्धामा विजयी बन्न सकिने धारणा राख्नु भयो ।
जय मिडियाका अध्यक्ष जयराज रायले प्रदेशका चेलीहरूको सौन्दर्यता र प्रतिभालाई मञ्च प्रदान गर्न स्पर्धाको आयोजना गर्ने गरिएको बताउनु भयो ।
गत असार २९ गते धरानमा उक्त प्रतियोगिता आयोजना गरिएको थियो ।
उपाधि विजेतालाई नगद रु एक लाख प्रदान गरिएको थियो भने अन्य विजेतालाई नगद तथा विशेष उपहार प्रदान गरिएको थियो ।–––